Введение во храм
Пресвятой Богородицы И ПРИСНОДЕВЫ МАРИИ
Величаем Тя, Пресвятая Дево,
Богоизбранная Отроковице,
и чтим еже в храм Господень вхождение Твое
СКАЗАНИЕ О ВХОДЕ ВО ХРАМ ПРЕСВЯТОЙ БОГОРОДИЦЫ И ПРИСНОДЕВЫ МАРИИ
Видео КАНОН первый ВВЕДЕНИЮ ВО ХРАМ ПРЕСВЯТОЙ БОГОРОДИЦЫ КАНОН ВТОРОЙ ВВЕДЕНИЮ ВО ХРАМ ПРЕСВЯТОЙ БОГОРОДИЦЫАКАФИСТ ВВЕДЕНИЮ ВО ХРАМ ПРЕСВЯТОЙ БОГОРОДИЦЫ
СКАЗАНИЕ О ВХОДЕ ВО ХРАМ ПРЕСВЯТОЙ БОГОРОДИЦЫ И ПРИСНОДЕВЫ МАРИИ
В изложении свт. Димитрия Ростовского
Когда Пречистой Богоотроковице, Преблагословенной Деве Марии Богородице, исполнилось три года от рождения, святые праведные родители Ее, Иоаким и Анна, решились исполнить данный ими обет – отдать на служение Богу рожденное ими дитя. Созвали они в Назарет, где жили, всех своих родственников из царского и архиерейского рода, – ибо сам праведный Иоаким был из царского рода, супруга же его, святая Анна, была из рода архиерейского, – а также хор непорочных дев; приготовили много свечей и окружили Пречистую Деву Марию царским благолепием, как все сие свидетельствуется святыми отцами.
Святый Иаков, архиепископ Иерусалимский, от лица Иоакима, говорит так:
– Позовите непорочных дочерей Еврейских, чтобы они взяли горящие свечи.
От лица праведной Анны, святой Герман, патриарх Цареградский, говорит:
– Я выполняю пред Господом тот обет, какой высказала в состоянии скорби, и для этого собрала хор дев со свечами, созвала священников, пригласила сродников, говоря всем: радуйтесь все со мною, ибо я теперь явилась матерью и родительницею, приводя свою Дочь не к царю земному, но к Богу, Царю Небесному.
О царском же украшении Богоотроковицы святой Феофилакт, архиепископ Болгарский, говорит:
– Надлежало, чтобы введение Божественнейшей Отроковицы было достойно Ее, чтобы такой пресветлой и многоценной Жемчужины не касалась убогая одежда; следовало именно царскою одеждою одеть Ее, для наибольшей славы и украшения.
Так устроив все, что надлежало к честному и славному введению, они отправились в путь, ведущий от Назарета до Иерусалима в течение трех дней.
Достигнув города Иерусалима, они торжественно вошли в храм и повели туда одушевленный храм Божий, трехлетнюю отроковицу, Пречистую Деву Марию. Впереди Нее шел хор девиц, с зажженными свечами, как свидетельствует святой Тарасий, архиепископ Константинопольский, который влагает в уста святой Анны такие слова:
– Начните (шествие), девы, носящие свечи, и предшествуйте мне и Богоотроковице.
Святые же родители, один с одной стороны, другая с другой, взяв за руки данную Богом Дочь свою, с нежностию и честию вели ее между собою. За ними радостно следовало все множество родственников, соседей и знакомых, держа в руках свечи и окружая Пречистую Деву, как звезды светлую луну, на удивление всему Иерусалиму. Святый Феофилакт описывает это таким образом:
– Забывает Дочь дом отца и приводится к Царю, возжелавшему красоты Ее, – приводится не без почести и не без славы, но с торжественными проводами. Вот выводится Она из отеческого дома со славою, при всеобщем рукоплескании Ее выхождению; родителям Ее последовали родственники, соседи и все, кто любил их; отцы сорадовались отцу, матери сорадовались матери; отроковицы и девы, со свечами в руках, предшествовали Богоотроковице. Весь Иерусалим, как некоторый звездный круг, сияющий с луною, собрался смотреть эти небывалые проводы и видеть трехлетнюю Отроковицу, окруженную такою славою и почтенную преднесением свечей. И не только граждане земного Иерусалима, но и небесного – святые Ангелы – стеклись видеть преславное введение Пречистой Девы Марии и, видев, удивлялись, как сие воспевает Церковь: «Ангели вхождение Пречистыя зрящи, удивишася: како Дева вниде во святая святых».
Соединившись с видимым хором непорочных дев, невидимый хор безплотных чинов шел, совводя Пречистую Деву Марию во Святое Святых и, по повелению Господню, окружая Ее, как избранный сосуд Божий. Об этом святой Георгий, архиепископ Никомидийский, говорит так:
– Родители уже вели к дверям храма Деву, окруженную Ангелами, при совместном радовании всех небесных сил. Ибо Ангелы, хотя и не знали силы тайны, однако же, по повелению Господню, служили при входе Ее во храм. Итак, они, во-первых, удивлялись, видя, что Она будет драгоценный сосуд добродетелей, что Она носит признаки вечной чистоты и имеет такую плоть, которой никогда не прикоснется никакая греховная скверна, а во-вторых, исполняя волю Господню, совершили служение, которое им было повелено.
Так, с честию и славою не только людьми, но и Ангелами была введена в храм Господень Пренепорочная Отроковица. И достойно: ибо, если ветхозаветный ковчег, носивший в себе манну, который служил только прообразом Пресвятой Девы, внесен был в храм с великою честию, при собрании всего Израиля, то тем с большею честию, при собрании Ангелов и человеков, должно было совершаться введение во храм того самого одушевленного кивота, который имел в себе манну – Христа, – преблагословенной Девы, предназначенной в Матерь Богу.
При внесении ветхозаветного кивота в храм Господень, впереди его шел царь земной, царствовавший тогда над Израилем, Богоотец Давид; а при введении в храм Божий сего одушевленного кивота, Пречистой Девы, предшествовал не земной царь, а Небесный, Которому мы каждый день молимся: «Царю небесный, утешителю, душе истины». Что сей именно Царь предводительствовал этой Дщери царской, об этом святая Церковь в нынешних песнопениях свидетельствует так: «во святых святая, святая и непорочная Святым Духом вводится». При внесении ковчега были музыка и пение, ибо Давид велел начальникам левитов поставить певцов, чтобы они играли на органах псалтирях, кимвалах и гуслях, и воспевали радостные песни; при введении же Пресвятой Девы содействовали веселию не земная музыка и пение, но пение Ангелов, невидимо при сем присутствовавших. Ибо они, при входе Ее во Святое Святых на служение Господу, воспевали небесными голосами, что и воспоминает ныне Церковь, которая поет в кондаке: «Благодать совводяще, яже в Дусе божественном, юже воспевают Ангели Божии: сия есть селение небесное». Впрочем, введение Пречистой Богородицы во храм представляется и не без человеческих песнопений. Ибо праведная Анна (в слове святого Тарасия) говорит идущим впереди девам:
– Воспойте Сию хвалебною песнию, пойте Ей под звуки гуслей, воскликните Ей песнь духовную, прославьте Ее на десятиструнном псалтири.
Это же вспоминает Церковь, говоря: «Радуются Иоаким и Анна Духом, и девственнии лицы Господеви поют, псаломски воспевающе, и чтуще Матерь Его».
Отсюда открывается, что хор девственниц, предшествовавших тогда Пречистой Деве, пели некоторые песни из псалмов Давида.
Согласно с этим, и составитель нынешнего канона говорит означенным девам: «Начинайте, девы, и воспойте песни, руками держаще свещы».
Сами же святые праведные родители Иоаким и Анна, по свидетельству святого Тарасия, имели на устах своих такую песнь праотца Давида: «Слыши, дщерь, и смотри, и приклони ухо твое, и забудь народ твой и дом отца твоего. И возжелает Царь красоты твоей» (Пс.44:11-12).
На встречу этому славному введению Богоотроковицы, по рассказу Феофилакта, вышли священники, служившие во храме, и с песнопениями встретили Пресвятую Деву, имевшую быть Материю Великого Архиерея, прошедшего небеса. Приведя Ее ко дверям храма, святая Анна, (как пишет святой Тарасий), говорила так:
– Иди, Дщерь моя, к Тому, Кто мне даровал Тебя; иди, Священный Кивот, к милостивому Владыке; иди, Дверь Жизни, к милосердому Дателю; иди, Ковчег Слова, к храму Господню; войди в церковь Господню, Радость и Веселие мира.
Захарии же, как пророку, архиерею и сроднику своему, она сказала с Иоакимом:
– Приими, Захария, чистую сень; приими, священник, непорочный Ковчег; приими, пророк, Кадильницу невещественного угля; приими, праведный, Духовное Кадило.
И еще праведная Анна, как повествует святой Герман, сказала первосвященнику:
– Приими, пророк, Дочь мою, данную Богом; приими и, введши, посади Ее на горе святыни, в приготовленном Божием жилище, ничего не допытываясь, до тех пор, пока Бог, призвавший Ее сюда, не откроет окончательно Своей воли о Ней.
Было там, – пишет блаженный Иероним, – пятнадцать ступеней на церковном входе, по числу пятнадцати степенных псалмов, ибо на каждой из этих ступеней всходившими для служения священниками и левитами был пет отдельный псалом. Вот поставили праведные родители пренепорочную отроковицу на первой ступени. Она тотчас весьма скоро пошла сама собою по прочим ступеням, никем не ведомая и не поддерживаемая; поднявшись на самую верхнюю ступень, Она стала, укрепляемая невидимою силою Божиею. Удивились все, увидев трехлетнюю отроковицу, поднявшуюся по этим ступеням так скоро, а особенно дивился этому великий первосвященник Захария и, как пророк, по откровению Божию, проразумевал будущее сей Девы, ибо он, по словам Феофилакта, был объят Духом. Также и святой Тарасий касательно этого говорит, что Захария, исполнившись Святого Духа, воскликнул:
– О, чистая Отроковица! О, Дева, незнающая соблазна! О, Девица прекрасная! О, украшение жен! О, краса дочерей! Ты благословенна между женами! Ты в высшей степени прославлена чистотою, Ты запечатлена девством, Ты – разрешение клятвы Адама!
Держа Отроковицу, Захария, говорит святой Герман, с радостным духом ввел Ее во Святая Святых, говоря Ей так:
– Иди, исполнение моего пророчества, иди, совершение Господних обетований, иди, запечатление завета Его, иди, обнаружение Его совета, иди, исполнение тайн Его, иди, зерцало всех пророков, иди, обновление обветшавших грехами, иди, Свет лежащих во тьме, иди, новейший Божественнейший Дар. Войди теперь в нижнюю часть храма Господа своего, доступную человекам, а чрез немного времени – в горнюю и неприступную для них.
Отроковица, веселясь и весьма радуясь, шла в дом Господень, как в чертог, ибо хотя и была мала возрастом, всего только трех лет, но была совершенна по благодати Божией, как предъузнанная и предъизбранная Богом прежде сложения мира.
Так Пречистая и Преблагословенная Дева Мария введена была в храм Господень. При этом первосвященник Захария совершил необычайное и для всех удивительное дело: он ввел отроковицу в самую выстроенную скинию, называемую «святая святых», которая была за второю завесою и где был ковчег завета, обложенный со всех сторон золотом, и херувимы славы, осеняющие очистилище (Евр.9:3-5), куда нельзя было входить не только женщинам но даже и священникам, а мог туда входить только первосвященник, однажды в год. Там первосвященник Захария отвел Пречистой Деве место для молитвы. Всем же прочим девам, живущим во храме, по свидетельству св. Кирилла Александрийского и св. Григория Нисского, отводилось место для молитвы между церковью и алтарем. Ни одной из этих дев никаким образом нельзя было подходить к алтарю, ибо это строжайше запрещалось им первосвященниками; Пречистой же Деве, со времени введения Ее, не было запрещено ежечасно входить во внутренний алтарь, за вторую завесу и молиться там. Сделано было это первосвященником по таинственному вразумлению Божию, о чем святой Феофилакт говорит так:
– Первосвященник, быв тогда вне себя, объятый Духом Божиим, понял, что эта отроковица – вместилище Божественной благодати и что Она более его достойна всегда предстоять пред Лицом Божиим. Вспомнив сказанное в законе о ковчеге, что ему назначено находиться во Святом Святых, он тотчас понял, что это преднаписано было относительно сей Отроковицы, нисколько не усомнившись и не остановившись, дерзнул, вопреки закону, ввести Ее во Святое Святых.
Как говорит блаженный Иероним, праведные родители Иоаким и Анна, вручив дитя свое воле Отца Небесного, принесли дары Богу, жертвы и всесожжения, и, получив благословение от первосвященника и всего собора священников, возвратились, со всеми своими сродниками, домой и устроили там пир, веселясь и благодаря Бога. Преблагословенная же Дева, с начала жизни своей в доме Господнем, отдана была в помещение для девиц, ибо храм Иерусалимский, построенный Соломоном и потом разрушенный и выстроенный снова Зоровавелем, имел, много жилых помещений, как пишет Иосиф, древний иудейский историк. Вне, к стенам храма пристроены были каменные здания, числом тридцать, отдельные одно от другого, просторные и очень красивые, на них были другие здания, на других третьи, так что общее число их было девяносто, и они имели все удобства для жительства в них. Высота, их равнялась высоте храма; они были как бы столпы, извне поддерживающие его стены. В этих зданиях находились помещения для разных лиц; отдельно жили девы, посвященные на служение Богу до времени; отдельно жили вдовицы, давшие обет Богу хранить чистоту свою до смерти, как пророчица Анна, дочь Фануилова; отдельно обитали мужи, называвшиеся назореями, подобно инокам, жившие безбрачно. Все эти лица служили Господу при храме и получали пропитание от доходов храма. Остальные здания отведены были для пребывания странников и пришельцев, приходивших издалека на поклонение в Иерусалим.
Трехлетняя отроковица, Пречистая Дева Мария, как сказано, была отдана в помещение для девиц, при чем к Ней приставлены были девицы, по летам более взрослые и искусные в писании и рукоделии, чтобы Богоотроковица с младенчества научилась и писанию и рукоделию вместе. Святые родители, Иоаким и Анна, часто посещали Ее; Анна, как матерь, особенно часто приходила посмотреть на свою Дочь и поучать Ее. По свидетельству святого Амвросия и историка Георгия, Дева скоро научилась Еврейскому ветхозаветному писанию в совершенстве, – и не только Писанию, но и рукоделию хорошо научилась, как говорит о том святой Епифаний:
– Она отличалась силою ума и любовью к учению; не только поучалась в Священном Писании, но и упражнялась в прядении шерсти и льна и в шитье шелком. Благоразумием своим Она удивляла всех; занималась преимущественно такими трудами, которые могли бы быть потребны священникам в служении при храме; рукоделью этому Она так научилась, что им могла впоследствии, при Сыне своем, добывать себе пропитание; Она своими руками сделала Господу Иисусу хитон, не сшитый, но весь тканый.
Пречистой Деве (говорит тот же Епифаний), как и другим девицам, обычная пища подавалась от храма; но ее съедали нищие и странники, ибо Она, как воспевает Церковь, питалась хлебом небесным. Святый Герман говорит о Ней, что Она пребывала обыкновенно во Святом Святых, принимая сладкую пищу от Ангела; а святой Андрей Критский так говорит:
– Во Святом Святых, как в чертоге, Она принимала необычайную и нетленную пищу.
При этом предание присоединяет, что Пречистая Дева часто пребывала во внутренней скинии, бывшей за второю завесой и называемой «Святое Святых «, а не в обычном помещении для дев при храме, – потому что хотя ей место для жительства было уготовано в этом помещении, но на молитву не запрещено было ходить во Святое Святых. Пришедши в совершенный возраст, Она, с юных лет научившись священному Писанию и прилежно занимаясь рукоделием, еще больше упражнялась в молитве, и целые ночи и большую часть дня имела обыкновение проводить в молитве. На молитву входила во Святое Святых, для рукоделья же возвращалась в свое жилище, ибо, по закону, нельзя было во Святом Святых что-либо делать или что-нибудь внести туда. И большую часть жизни своей Она проводила в храме, за второю завесою, во внутренней скинии, на молитве, а не в отведенном Ей жилище, за рукодельем. Потому-то всеми учителями Церкви согласно говорится, что Пречистая Дева, до двенадцатого года, всю свою жизнь провела во Святом Святых, так как оттуда редко выходила в свое помещение.
Какова же была жизнь Ее в младшем возрасте, это описал Иероним так:
– Блаженная Дева, еще в детстве и младенчестве своем, когда была при храме с прочими, однолетними Ей девицами, жизнь свою проводила по строгому порядку, от раннего утра до третьего часа дня стояла на молитве; от третьего до девятого упражнялась в рукоделье или чтении книг; от девятого часа снова начинала свою молитву, и не прекращала ее до тех пор, пока не являлся Ей Ангел, из рук которого Она обыкновенно принимала пищу. Так все более и более возрастала Она в любви к Богу.
Такого рода была жизнь Ее в детстве, когда Она еще жила с девами – сверстницами. В то время, как день ото дня Она возрастала и укреплялась духом, совершенствовалась она и в подвигах и укреплялась в молитве и трудолюбии, восходя от силы в силу, до тех пор, пока не осенила Ее сила Всевышнего. А что являлся Ей Ангел и приносил пищу, это видел своими глазами первосвященник Захария, о чем рассказывает святой Григорий Никомидийский, говоря:
– В то время, как Она, день ото дня, росла, с летами возрастали в Ней и дары Святого Духа, и Она пребывала в общении с Ангелами. Это и Захария узнал; ибо когда он, по обычаю священническому, был в алтаре, то увидел, что кто-то необычайного вида, беседует с Девою и подает Ей пищу. Это был явившийся Ангел; и удивился Захария, размышляя в себе: что это за новое и необычайное явление? Видом подобен Ангелу, и говорит со святою Девицею; бесплотный по образу приносит пищу, питающую плоть, невещественный по природе подает Деве вещественную корзину. Ангельское явление здесь бывает одним только священникам, и то не часто; к женскому же полу, да еще к такой юной Девице, пришествие Ангела, видимое теперь, совершенно необычайно. Если бы Она была из числа замужних, и, одержимая недугом неплодства, молилась о даровании Ей плода, как молилась некогда Анна, я не удивился бы тому явленно, которое вижу, но Девица не просит об этом; Ангел же всегда, как и теперь вижу, является Ей, отчего я прихожу в еще большее удивление, ужас и недоумение, что будет из этого? Что благовествовать приходит Ангел? И какого свойства приносимая им пища? Из какого хранилища она берется? И кто приготовил ее? Какая рука сделала этот хлеб? Ибо Ангелам несвойственно заботиться о требованиях плоти; если и многие были питаемы ими, однако пищу эту приготовляла человеческая рука. Ангел, служивший Даниилу, хотя и мог бы, силою Всевышнего, не чрез кого-либо другого, а сам собою исполнить то, что ему было повелено, однако послал для сего Аввакума с сосудами, чтобы не устрашили питаемого необыкновенное видение Ангела и необычная пища. Здесь же к Отроковице приходит сам Ангел, – дело, полное таинственности, относительно которого я недоумеваю; Она в младенчестве сподобилась таких даров, что Ей служат бесплотные. Что это такое? Не на Ней ли сбудутся предсказания пророков? Не Она ли цель нашего ожидания? Не от Нее ли приимет естество хотящий придти спасти род наш? Ибо тайна эта предсказана еще прежде, и Слово ищет Ту, которая могла бы послужить тайне. И ужели не другая предъизбрана послужить этой тайне, а именно сия Девица, на которую смотрю. Как счастлив ты дом Израилев, из которого прозябло такое семя! Как счастлив ты, корень Иессеев, из которого произошла эта ветвь, имеющая произвести миру цвет спасения! Как счастлив и я, наслаждающийся таким видением и приготовляющий эту Деву в невесту Слову.
Это слова Георгия Никомидийского. Подобно ему говорит Иероним:
– Каждый день посещали Ее Ангелы, и если бы меня спросил кто-нибудь: как Пречистая Дева проводила там время юности, – я отвечал бы: сие известно Самому Богу, да Архангелу Гавриилу, неотступному Ее хранителю, с прочими Ангелами, часто приходившими к Ней и с любовию беседовавшими с Нею.
Пребывая таким образом с Ангелами во Святом Святых, Пречистая Дева пожелала вечно жить в Ангельской чистоте и неврежденном девстве. По свидетельству святых учителей: Григория Нисского, Иеронима и других, Дева сия – первая обручила свое девство Богу, ибо в Ветхом Завете необычно было девам не вступать в брак, так как супружество было в большем почете, чем девство. Пречистая же Дева первая в мире предпочла девство супружеству и, уневестившись Богу, служила Ему чистым девством своим день и ночь. Пресвятой Дух, благоволением Бога Отца, готовил в Ней вместилище Богу-Слову. Да будет же Пресвятой, Единосущной и Нераздельной Троице слава и благодарение; Пречистой же Владычице нашей Богородице, Приснодеве Марии, честь и хвала от всех родов во веки. Аминь.
Молитва Пресвятой Богородице в честь введения Ея во Храм
О, Пресвятая Дево, Царице небесе и земли, прежде век избранная Невесто Божия, в последняя же времена пришедшая в храм законный на обручение Жениху небесному! Ты оставила еси люди Твоя и дом отца Твоего, во еже принести Себе в жертву чистую и непорочную Богови, и первая дала еси обет всегдашняго девства. Даруй же и нам соблюдати себе в целомудрии и чистоте и в страсе Божием во вся дни живота нашего, да будем храми Духа Святаго, наипаче же помози всем, в подражание Твое во обителех живущим и обручившим себе на служение Богови, в чистоте девства провождати житие свое и от юности нести иго Христово благое и легкое, свято храняще обеты своя. Ты провела еси, Всечистая, вся дни юности Твоея во храме Господнем далече от соблазнов мира сего, в присном бодрствовании молитвенном и во всяком воздержании душевном же и телеснем, помози убо и нам отражати вся искушения вражеская от плоти, мира и диавола находящая на ны от юности нашея, и побеждати оная молитвою и постом. Ты бо, во храме Господнем со Ангелы пребывающи, украсилася еси всеми добродетельми, наипаче же смирением, чистотою и любовию, и достойно воспиталася еси, да готова будеши вместити плотию невместимое Слово Божие. Сподоби же и нам, одержимым гордостию, невоздержанием и леностию, облещися во всякое совершенство духовное, да уготовает кийждо от нас с помощию Твоею одеяние брачное души своея и елей доброделания, да не нази и неготови явимся во сретение безсмертному Жениху нашему и Сыну Твоему, Христу, Спасителю и Богу нашему, но да приимет ны с мудрыми девами во обители райския, идеже со всеми святыми сподоби нас выну славити и прославляти всесвятое имя Отца и Сына и Святаго Духа и Твое милостивое заступление всегда, ныне и присно и во веки веков. Аминь.
Молитва в праздник Введения во Храм Пресвятой Богородицы
К кому возопию, Владычице, к кому прибегну в горести моей, аще не к Тебе, Царице Небесная? Кто плач мой услышит и воздыхание приимет, аще не Ты, Пренепорочная, Надежда христиан и Прибежище нам, грешным? Кто паче Тебе в несчастиях защитит? Услыши стенание мое и приклони ухо Твое ко мне, Владычице и Мати Бога моего! Не презри ищущаго Твоея помощи и не отрини мене грешнаго, Царице Небесная! Научи мене исполняти волю Сына Твоего и даруй желание всегда следовати Его святым заповедям. За мой ропот в болезнех, трудах и несчастиях не отступи от мене, но пребуди Материю и Покровительницею мене малодушнаго. Царице моя Преблагая, Заступнице Усердная!
Твоим ходатайством прегрешения моя покрый, от видимых и невидимых врагов защити, сердца враждующих против мене смягчи и Христовою любовию согрей их. Мне же немощному даруй Твою всесильную помощь победита моя греховныя привычки, дабы, очищенный покаянием и последующею добродетельною жизнию,в общении со Святою Церковию провел остальныя дни земнаго странствия. Предстани мне, Надеждо всех христиан, в час кончины моея и подкрепи мою веру в смертный тяжкий час. Вознеси за мене, многопрегрешающаго в жизни сей, Твоя всесильныя молитвы по отшествии моем, да оправдает мене Господь и соделает причастником Его безконечных радостей. Аминь.
КАНОН ПЕРВЫЙ ВВЕДЕНИЮ ВО ХРАМ ПРЕСВЯТОЙ БОГОРОДИЦЫ
Ирмос: Отверзу уста моя, и наполнятся Духа, и слово отрыгну Царице Матери, и явлюся, светло торжествуя, и воспою, радуяся, Тоя вхождение.
Премудрости, Пречистая, Тя сокровище вемы и благодати, точащую источник приснотекущий разума, просим: Твоя капли одожди, Владычице, еже воспевати Тя присно.
Превышши, Пречистая, Небес бывши, храм и палата, в храм Божий возложилася еси Тому уготоватися в Божественное жилище пришествия Его.
Свет возсиявши Богородица благодати, вся просвети и совокупи пресветлое Ея украсити торжество песньми: приидите, к Ней стецемся.
Дверь славная, помыслы непроходимая, двери отверзши храма Божия, ныне повелевает нам, совшедшим, Божественных Ея чудес насладитися.
Песнь 3
Ирмос: Твоя песнословцы, Богородице, живый и независтный источниче, лик себе совокупльшия, духовно утверди, в честнем вхождении Твоем венцев славы сподоби.
Невестокраситель днесь явися красный Девы храм и чертог, прием одушевленный чертог Божий, Чистую, и Непорочную, и Светлейшую всея твари.
Давид, предначиная ликование, играет, и ликовствует с нами, и Царицу зовет Тя украшену, Пречистая, предстоящу, Всечистая, в храме Царю и Богу.
Из неяже преступление произыде древле роду человеческому, из Тоя исправление и нетление процвете: Богородица днесь приводима в дом Божий.
Играют Ангельская воинства и всех человек множество, и пред лицем, Пречистая, предтекут Твоим днесь свещеносицы, зовуще величествия Твоя в дому Божии.
Седален
Возопий, Давиде, что сей настоящий праздник, Юже воспел еси иногда в книзе псаломстей, яко Дщерь Богоотроковицу и Деву. Приведутся, рече, Царю таинственно девы во след Ея и ближния Ея. И дивен соделай и всемирен праздник зовущим: Богородица нам предста, спасения Ходатаица.
Песнь 4
Ирмос: Неизследный Божий Совет еже от Девы воплощения Тебе, Вышняго, пророк Аввакум, усмотряя, зовяше: слава силе Твоей, Господи.
Дверь непроходную Божий дом приемля днесь, престати сотвори всякой службе законной, яко истинно явися, зовый, сущим на земли Истина.
Гора присенная, юже провиде древле Аввакум, предпроповеда внутрь вместившуюся в неходных храма, добродетели процветши, и покрывает концы.
Видевши преславная вся земля странныя же и дивныя вещи, како Дева, от Ангела пищу приемлющи, образы строения носит.
Храм, и палата, и Небо одушевленное явльшися, Богоневесто Царева, во храм законный приводима днесь, Тому соблюдаема, Пречистая.
Песнь 5
Ирмос: Ужасошася всяческая в честнем вхождении Твоем: Ты бо, Неискусобрачная Дево, внутрь вошла еси в храм Божий, якоже чистейший храм, всем воспевающим Тя мир подавающая.
Священие славное и священное возложение, днесь Пречистая Дева, возложившися в храм Божий, Всецарю нашему Богу Единому в жилище соблюдается, яко весть Сам.
Доброту, Пречистая, души Твоея зря некогда, верою Захария возопи: Ты еси избавление, Ты еси всех радость, Ты еси воззвание наше, Еюже Невместный вмещен мне явится.
О, паче ума чудес Твоих, Всечистая! Странное Твое рождество есть, странен образ возращения Твоего, странна и преславна Твоя, Богоневесто, вся и человеки несказанна.
Свещник многосветлый сущи, Богоневесто, днесь возсияла еси в дому Господни и озаряеши ны честными даровании, Чистая, чудес Твоих, Богородице всепетая.
Песнь 6
Ирмос: Божественное сие и всечестное совершающе празднество, Богомудрии, Богоматере, приидите, руками восплещим, от Нея рождшагося Бога славим.
Всяческая Носяй глаголом, молитву праведных услыша. Темже неплодныя разрешил еси недуг, яко Благоутробен, радости Виновную сим дарова.
Сказати хотя Господь языком Свое спасение, Неискусобрачную ныне от человек прият, примирения знамение и обновления.
Яко дом сущи благодати, в немже сокровища лежат неизреченнаго Божия строения, Всечистая, в храме причастилася еси нетленныя сладости.
Диадиму Тя царскую прием, храм, Богоневесто, просвещашеся и подступаше лучшим, предреченных зря на Тебе сбытие.
Кондак, глас 4
Пречистый храм Спасов, многоценный чертог и Дева, священное сокровище славы Божия, днесь вводится в дом Господень, благодать совводящи, Яже в Дусе Божественном, Юже воспевают Ангели Божии: Сия есть селение Небесное.
Икос
Неизреченных Божиих и Божественных таин зря в Деве благодать являемую и исполняемую явственно, радуюся и образ разумети недоумеюся, странный и неизреченный: како избранная, Чистая, Едина явися паче всея твари видимыя и разумеваемыя? Темже восхвалити хотя Сию, ужасаюся зело умом же и словом, обаче дерзая, проповедаю и величаю: Сия есть селение Небесное.
Песнь 7
Ирмос: Не послужиша твари Богомудрии паче Создавшаго, но, огненное прещение мужески поправше, радовахуся, поюще: препетый отцев Господь и Бог благословен еси.
Се днесь возсия концем весна радостная, просвещающи нашу душу, и помышление, и ум благодатию, торжеством Богородицы днесь таинственно да учредимся.
Да дароносят днесь всяческая Царице, Матери Божии Небо и земля, и Ангелов чини, и человеков множество и да вопиют: во храм вводится Радость и Избавление.
Писание мимотече и оскуде закон, якоже сень, и благодати лучи возсияша в храм Божий вшедшей Тебе, Дево Мати Чистая, в нем благословенная.
Повинуся Рождеству Твоему, Всечистая, яко Творцу и Богу Небо, и земля, и преисподняя, и всяк язык земных исповедает, яко Господь явися, Спас душ наших.
Песнь 8
Ирмос: Слыши, Отроковице, Дево Чистая, да речет убо Гавриил Совет Вышняго, древний, истинный: буди к приятию готова Божию, Тобою бо Невместимый с человеки поживе. Тем и радуяся, вопию: благословите, вся дела Господня, Господа.
Пречистый храм в дом Божий приводящи Анна иногда, вопиющи, с верою рече священнику: чадо, от Бога данное мне, приим ныне, введи во храм Зиждителя твоего и, радуяся, пой Ему: благословите, вся дела Господня, Господа.
Рече, видев, Анне иногда Духом Захария: Жизни Матерь вводиши истинную, Юже светло пророцы Божии Богородицу проповедаша, и како храм вместит Ю? Тем чудяся, вопию: благословите, вся дела Господня, Господа.
Раба Божия бых аз,— отвеща Анна ему,— призывающи Сего верою и молитвою, прияти моея болезни плод, по приятии же рожденную привести Давшему Ю. Тем, зовя, вопию: благословите, вся дела Господня, Господа.
Законное воистину дело есть,— священник рече ей,— странну же весьма вещь поразумеваю, зря Приводимую в дом Божий, преславно превосходящую святая благодатию. Тем и радуяся, вопию: благословите, вся дела Господня, Господа.
Возмогаю,— рече Анна ему,— знающи, яже глаголеши, разумееши бо сия Духом Божиим, ясно яже Девы проповедал еси; приими убо Пречистую в храм Создателя твоего и, радуяся, пой Ему: благословите, вся дела Господня, Господа.
Светоносна нам возжжеся свеща,— возопи священник,— радость величайшую светящи в храме; души пророческия да срадуются мне, яко преславная зряще, совершаемая в дому Божии, и да вопиют присно: благословите, вся дела Господня, Господа.
Песнь 9
Ирмос: Яко одушевленному Божию кивоту да никакоже коснется рука скверных, устне же верных Богородице немолчно, глас Ангела воспевающе с радостию да вопиют: истинно вышши всех еси, Дево Чистая. (Дважды)
Ангели, вхождение Всечистыя зряще, удивишася: како со славою вниде во святая святых?
Яко пресветлую, Богородице Чистая, душевныя чистоты имущи доброту, благодатию же Божиею исполняема с Небесе, Светом Присносущным просвещаеши всегда с веселием вопиющия: истинно вышши всех еси, Дево Чистая.
Ангели, вхождение Девы зряще, удивишася: како преславно вниде во святая святых?
Прелетает, Богородице, Чистая, чудо Твое силу словес: тело бо в Тебе поразумеваю паче слова, течения греховнаго неприятно. Темже благодарственно вопию Ти: истинно вышши всех еси, Дево Чистая.
Ангели и человецы, Девы вхождение почтим, яко со славою вниде во святая святых.
Преславно прообразована, Чистая, закон Тя скинию и Божественную стамну, странен кивот, и катапетасму, и жезл, храм неразрушимый и дверь Божию. Темже научают Тебе звати: истинно вышши всех еси, Дево Чистая.
Ангели, вхождение Девы зряще, удивишася: како Богоугодне вниде во святая святых?
Песнопоя Тебе, провозглашаше Давид, глаголя Тя Дщерь Цареву, красотою добродетелей, одесную предстоящую Бога, видев Тя упещрену. Темже, пророчествуя, вопияше: истинно вышши всех еси, Дево Чистая.
Ангели, взыграйте со святыми, девы, сликовствуйте: Богоотроковица бо вниде во святая святых.
Богоприятну предзря, Соломон проповеда Тя одр Царев, живый источник запечатствован, из негоже немутная нам произыде вода, верою вопиющим: истинно вышши всех еси, Дево Чистая.
Ангели и человецы, Деву песньми да возвеличим: Боголепно бо вниде во святая святых.
Подаеши дарований Твою тишину, Богородице, души моея, точащи жизнь Тебе чтущим по долгу, Сама защищающи, и покрывающи, и соблюдающи вопити Тебе: истинно вышши всех еси, Дево Чистая.
Светилен
Юже древле предвозвести пророческое сословие, стамну, и жезл, и скрижаль, и несекомую гору, Марию Богоотроковицу верно да восхвалим: днесь бо вводится во святая святых воспитатися Господу. (Трижды)
КАНОН ВТОРОЙ ВВЕДЕНИЮ ВО ХРАМ ПРЕСВЯТОЙ БОГОРОДИЦЫ
Песнь 1
Ирмос: Песнь победную поим вси Богу, сотворшему дивная чудеса мышцею высокою и спасшему Израиля, яко прославися.
Стецемся днесь, Богородицу почитающе песньми, и торжествуим духовный праздник: в храм бо Богу дар приносится.
Песньми да воспоим Богородицы славное предшествие: к храму бо днесь, яко храм Божий, приносится пророчески дар многоценный.
Анна непорочная радовашеся, яко дар многоценен Богу приносящи в храм матерски, Иоаким же с нею торжествует светло.
Давид, праотец Твой, воспе Тя древле, Дево Богоневесто, Дщерь глаголя Тя Царя Христа, Егоже и, родивши, матерски Младенца доила еси.
Плотию трилетствующи, Богородица Господу приносится; Захария же Сию, священник Божий, прием, радуяся, в храм возложи.
Девы, ликовствуйте, свещеносицы, начните днесь, и матери, воспойте Царице Матери, приходящей в храм Царя Христа.
Песнь 3
Ирмос: Да утвердится сердце мое в воли Твоей, Христе Боже, Иже над водами Небо утверждей второе и основавый на водах землю, Всесильне.
Торжествуим, празднолюбцы, и срадуемся духом во святем празднице, учреждающеся днесь, Дщере Царевы и Матере Бога нашего.
Иоакиме, радуйся днесь, и веселися, Анно, духом, рожденную из вас Господу приводяще трилетствующу, яко Юницу Чисту Всенепорочную.
Божие селение во храм святый приводится, Богородица Мариам, плотию трилетствующая, и Той свещесветят девы, предтекуще.
Божия Агница неблазненная и голубица нескверная, Боговместимая скиния, славы освящение, в скинии святей обитати избра.
Трилетствующая телом и многолетствующая духом, ширшая Небес и Горних сил превышшая, да восхвалится песньми Богоневестная.
Богородицы празднующе в невходимых предшествие, свещеимуще умно с веселием, днесь и мы с девами к храму приближимся.
Священницы Божии, облецытеся в правду благодатию и срящите светло, входы подающе Дщери Царя и Бога во святая.
Седален
Возопий, Давиде, что сей настоящий праздник, Юже воспел еси иногда в книзе псаломстей, яко Дщерь Богоотроковицу и Деву. Приведутся, рече, Царю таинственно девы во след Ея и ближния Ея. И дивен соделай и всемирен праздник зовущим: Богородица нам предста, спасения Ходатаица.
Песнь 4
Ирмос: Духом провидя, пророче Аввакуме, Словесе воплощение, проповедал еси, вопия: внегда приближитися летом, познаешися, внегда приити времени, покажешися. Слава силе Твоей, Господи.
Пророче Исаие, прорцы нам, Дева кто есть, имущая во чреве? Яже из Иудина корене прозябши и рождшися из Давида царя, семене святаго плод благославный.
Начинайте, девы, и воспойте песни, руками держаще свещи, Чистыя Богородицы предшествие хваляще, ныне грядущия во храм Божий, купно с нами празднующе.
Иоакиме и Анно, веселитеся ныне, во храм приводяще Господень Чистую Бога Матерь Христа Всецаря будущую, от вас же рождшуюся, яко трилетствующую Юницу.
Святая святых сущи, Чистая, во храм святый возлюбила еси вселитися и, со Ангелы, Дево, беседующи, пребываеши, преславне с Небес хлеб приемлющи, Питательнице Жизни.
Рождше паче надежди Пречистую Деву, благочестиво обещахуся Богу принести и исполняют, дающе яко жертву, рожденную от них, Иоаким днесь и Анна, в дом Божий.
Прозябе жезл иногда Ааронов, прообразующий, Чистая, Божественное Рождество, яко безсеменно зачнеши, и нетленна пребудеши, и по рождестве девствующи явишися, Младенца питающи — всех Бога.
Девы — Деву, и матери — Матерь благочестно стецытеся почтити с нами рождшуюся яко непорочную жертву и рожденную Богу плодоносимую, вси убо светло празднуем.
Песнь 5
Ирмос: Светлый нам возсияй Свет Присносущный, утренюющим о судьбах заповедей Твоих, Владыко Человеколюбче, Христе Боже наш.
Да светлоносим, православнии вси, стекающеся и славяще Богоматерь, яко Господу днесь приводится яко жертва благоприятна.
Да веселятся праотцы днесь, Владычице, и да радуется рождшая Тя со отцем Твоим, яко плод их Господу приносится.
Многоименитую и славнейшую Непорочную Юницу, яко плотию рождшую Божественнаго Тельца, вси воспоим, верно празднующе.
Уневещения написуются Божественная знамения паче ума рождества Твоего, Чистая Дево, днесь Духом Святым в дому Божии.
Да отверзутся преддверия славы Бога нашего и да приемлют Неискусобрачную Божию Матерь, якоже трилетствующую Нескверную Юницу.
Многочестную и присенную гору воспоим — Приснодеву, Божию Матерь бывшу: Та бо облиста свет в концех.
Песнь 6
Ирмос: Пророка Иону подражая, вопию: живот мой, Блаже, свободи из тли и спаси мя, Спасе мира, зовуща: слава Тебе.
Празднуим, вернии, праздник духовный Матере Божия, воспевающе благочестно: есть бо святейша Небесных умов.
Песньми духовными восхвалим, вернии, Матерь Света, яко днесь нам явися, предходящи в храм Божий.
Нескверная Агница и Чистая Голубица приведеся обитати в дом Божий, яко Непорочная, пронареченная быти Мати Божия.
В храм законный входы совершает храм Божий, Небесная скиния, из Неяже нам, сущим во тьме, Свет возсия.
Младенствующи плотию и совершена душею, Святый Кивот в дом Божий входит воспитатися Божественною благодатию.
От всяких искушений и бед душевных свободи ны, притекающия к Тебе, Всепетая, Твоими мольбами, Мати Христа Бога.
Кондак, глас 4
Пречистый храм Спасов, многоценный чертог и Дева, священное сокровище славы Божия, днесь вводится в дом Господень, благодать совводящи, Яже в Дусе Божественном, Юже воспевают Ангели Божии: Сия есть селение Небесное.
Икос
Неизреченных Божиих и Божественных таин зря в Деве благодать являемую и исполняемую явственно, радуюся и образ разумети недоумеюся, странный и неизреченный: како избранная, Чистая, Едина явися паче всея твари видимыя и разумеваемыя? Темже восхвалити хотя Сию, ужасаюся зело умом же и словом, обаче дерзая, проповедаю и величаю: Сия есть селение Небесное.
Песнь 7
Ирмос: Пещь, Спасе, орошашеся, отроцы же, ликующе, пояху: отцев Боже, благословен еси.
Ликовствуим, празднолюбцы, днесь, воспоим Чистую Владычицу, Иоакима и Анну достойно чтуще.
Пророчествуй, Давиде, глаголя Духом: приведутся девы вслед Тебе, приведутся Тебе во храм Царице Матери.
Радовахуся Ангелов чини, веселяхуся праведных дуси, яко Божия Матерь во святая приводится.
Приемлющи пищу Небесную, преспеваше мудростию и благодатию, бывши Мати по плоти Христа Бога.
И телом и духом радовашеся, пребывающи Мария Непорочная во храме Божии, якоже сосуд священнейший.
Введоша Тя во внутреннейшее храма целомудреннии родителие Твои, Пречистая, воспитатися странно в жилище Христа Бога.
Песнь 8
Ирмос: Егоже ужасаются Ангели и вся воинства, яко Творца и Господа, пойте, священницы, прославите, отроцы, благословите, людие, и превозносите во вся веки.
Веселится днесь светло Иоаким, и Анна непорочная Господу Богу приносит жертву, данную ей от обещания Святую Дщерь.
Хвалятся святии Давид и Иессей, и Иуда чтится, из корене бо их израсте плод — Дева Чистая, из Неяже родися Бог Превечный.
Мария Пречистая и одушевленная скиния приводится днесь в дом Божий, и приемлет Сию Захария руками, яко освященное сокровище Господне.
Яко дверь спасительную и гору мысленную, яко лествицу одушевленную, почтим, вернии, воистину Деву и Матерь Божию, благословенную руками иереев.
Пророцы, апостоли и мученицы Христовы, Ангелов чини и вси земнороднии, почтим песньми Деву Чистую, яко благословенную Матерь Высочайшаго.
В храм Тя принесоша, Всенепорочная Чистая, Божественне рождшии Тя, яко жертву чисту, и странно водворяешися в неходимых Богу предуготоватися в жилище Слову.
Благословим Отца, и Сына, и Святаго Духа — Господа.
Песнь 9
Ирмос: Светоносный облак, в оньже всех Владыка, яко дождь с небесе на руно, сниде и воплотися нас ради, быв Человек, Безначальный. Величаем вси яко Матерь Бога нашего Чистую. (Дважды)
Припев: Величай, душе моя, приведенную во храм Господень и благословенную руками иереевыми.
Из праведных произыде Иоакима и Анны обещания плод — Богоотроковица Мария и, яко кадило приятно, плотию младенствующи, приводится во святилище святое яко Святая во святых обитати.
Младенствующую естеством и паче естества явльшуюся Матерь Божию восхвалим песньми: в храм бо законный Господу днесь приводится в воню благовония, праведных яко плод духовный.
Со Ангелом, еже радуйся, Богородице приличне возопиим, вернии: радуйся, вседобрая Невесто; радуйся, облаче светлый, из негоже нам возсия Господь, во тьме неведения седящим; радуйся, всех Надеждо.
Святых святая и Богомати Марие, молитвами Твоими, Чистая, свободи ны от сетей вражиих и всякия ереси и скорби, верно покланяющияся образу святаго Твоего зрака.
Песнь достойную Богородице вся тварь со Ангелом Гавриилом взывает, вопиюще: радуйся, Мати Божия Всенепорочная, Еюже избавихомся первыя клятвы, бывше нетления общницы.
Херувим пребольши, и Серафим вышши, и ширши Небес явилася еси, Дево, яко Невместнаго всеми во утробе вместивши, Бога нашего, и рождши несказанно: Егоже моли прилежно о нас.
Светилен
Юже древле предвозвести пророческое сословие, стамну, и жезл, и скрижаль, и несекомую гору, Марию Богоотроковицу верно да восхвалим: днесь бо вводится во святая святых воспитатися Господу. (Трижды)
АКАФИСТ ВВЕДЕНИЮ ВО ХРАМ ПРЕСВЯТОЙ БОГОРОДИЦЫ
Кондак 1
Избранней Предвечным Царем Богоотроковице Марии, Ангелов и человеков Царице, пришедшей иногда в храм Господень во Святая Святых, на обручение девства Своего Жениху Небесному воспитатеся в Божие Жилище, достойное поклонение усердно Тебе приносим, Ты же яко многомощная Заступница наша, от всяких нас бед и скорбей свободи, да с любовию и умилением Тебе вопием: Радуйся, Богоизбранная Отроковице, вхождением во храм двери райския нам отверзшая.
Икос 1
Архангелов и Ангелов лики от небесных высот стекошася видети преславное Твое, о Богомати, во храм Господень Введение и вкупе с земным ликом чистых дев невидимый лик безплотных умов с веселием идяше, Тя, Пречистая Дево, провождающе и яко сосуд избранный Богу повелением Господним окружающе, и яко Госпоже своей служаще, аще не видесте тайны Твоея силу, видяще же Тя небесныя чистоты неизреченно исполнену, и вся бывшая о Тебе зряще, ужасахуся и со страхом многим воспеша Тебе тако: Радуйся, прерадованная Дево, Мати Царева имущая быти. Радуйся, предпочтенная Царице, в храм Царев грядущая жити. Радуйся, Бога Отца Дщерь избранная и превознесенная. Радуйся, Бога Сына Матерь от века предреченная. Радуйся, Богу Духу Всесвятому Невесто неискусобрачная. Радуйся, всея Твари видимыя и невидимыя Владычица превожделенная. Радуйся, Богоизбранная Отроковице, вхождением во храм двери райския нам отверзшая.
Кондак 2
Видяще праведнии родители Твоя, Пресвятая Дево, яко три лета исполнишася от рождества Твоего, восхотеста совершити делом обетование свое, еже первее словесы изрекоша, да принесут Тя в дар Богу, сего ради созваша в Назарет вся сродники своя от царскаго и архиерейского рода, и священники многия, пригласиша же и лик чистых дев, да со свещи горящими провождают Тя, яко же предрече Писание: “приведутся Царю девы в след Ея, искренния Ея приведутся Тебе, приведутся в веселии и радовании, введутся в храм Царев”. И тако совокупльшеся вси и помолившеся о Тебе Богу, воспеша Ему: Аллилуиа.
Икос 2
Разум Небесный открывая, Богоотроковице, благоволила еси, яко да не в нищетных рубищах предстанеши ко храму Царю Небесному, сего ради преодеяна была еси со славою и красотою многою, да исполнится на Тебе Давида праотца Твоего предречение: “Предста Царица одесную Тебе, в ризах позлащенных одеяна, преиспещрена”. Егда же, яко Невеста Божия преукрашена была еси и вся ко всечестному Введению Твоему достойна устроишася, поведоста Тя родителя Твоя, яко трехлетнюю агницу во Иерусалим, воспевше Тебе тако: Радуйся, преодеянная в рясны златыя девства и чистоты. Радуйся, преукрашенная во вся доброты небесныя красоты. Радуйся, Дщи Царева всю славу девственную внутрь Себе имущая. Радуйся, Невесто Божия, предстати одесную Небесному Жениху грядущая. Радуйся, одушевленный Кивоте Божий, посреде дев тимпанниц шествия своя устрояяй. Радуйся, пречистый Храм Спасов, ко храму законному пути Своя направляяй. Радуйся, Богоизбранная Отроковице, вхождением во храм двери райския нам отверзшая.
Кондак 3
Сила Вышняго осени Тя и Дух Святый найде на Тя и бысть Предводитель Твой, егда по триех днех пути достигла еси града Иерусалима, и яко Кивот Божий ведома была еси ко храму Господню, Богородице Дево, да сбудется слово псаломское, глаголющее: “Видена быша шествия Твоя, Боже, шествия Бога моего Царя, иже во Святем”. И тако за премногую небесную чистоту Твою, храм Божий удостоилася еси быти, идеже Дух Святый хотяше жити да соделает Тя Жилище Свое, селение небесное, да паки исполнится на Тебе другое Писание, глаголющее: “Освятил еси Селение Свое, Вышний, Свят храм Твой, Господи, дивен в правде”, сего ради да воспоим вси о Тебе: Аллилуиа.
Икос 3
Имуще леты три, Пресвятая Дево, приведена была еси ко храму, святыя же родители Твоя, ов от единыя страны, ова же от другия, вземше за руки Тя, Богодарованную им Дщерь свою, кротко и честно ведоша Тя ко храму, глаголюще: “Начните Девы свещеносныя, предшествуйте пред Богоотроковицей”. Все же множество сродник и соседов знаемых и священник с веселием последоваху, свещы в руках держаще, и окружающе Тя, якоже звезды луну светлую. Стечеся же и весь Иерусалим, новое сие превождение со удивлением зряще, Отроковицу трехлетнюю толикою славою облачаемую и таковым светоношением почитаемую и воспеша Тебе таковая: Радуйся, трилетствующая телом, неба небеси ширшая. Радуйся, многолетствующая духом, горних сил превысшая. Радуйся, Агнице Непорочная, девство Свое Богу в жертву чисту принесшая. Радуйся, Голубице Нескверная, чистотою Своею Ангелы удивившая. Радуйся, с девственными лики ко Господу приведенная. Радуйся, с горящими светильники ко храму препровожденная. Радуйся, Богоизбранная Отроковице, вхождением во храм двери райския нам отверзшая.
Кондак 4
Бурю внутрь имея помышлений сумнительных, Первосвященник Захария смятеся, зря Твое, Пречистая, ко храму Господню со славою многою превождение и ко вратом на востоки зрящим затворенным сущим приближение. Егда же воспомяну Иезекииля предречение древнее: “Врата сия затворена будут и никтоже пройдет сквозе их, яко Господь Бог пройдет ими, и будут заключена” исполнися Духа Святаго и откровение свыше получив, да отверзет приведенной Богоотроковице заключенная врата, возопи Богу: Аллилуиа.
Икос 4
“Слыши, Дщи, и виждь, и приклони ухо Твое, и забуди люди Твоя и дом отца Твоего, и возжелает Царь доброты Твоея”. Тако глаголаху Тебе, Пресвятая Дево, родители Твоя, егда приведена была еси ко храму Господню. Священницы же, службы совершающия, видеша пришествие Твое, изыдоша во сретение славному введению Твоему, и с песньми прияша Тя, яко Матерь имущую быти Архиерея Великаго Небеса Прошедшаго, глаголюще: Радуйся, благоволения Божия предображение, пророки предвозвещенная. Радуйся, человеков спасения проповедание, нам ныне явленная. Радуйся, Ангелы Небесными со славою провождаемая. Радуйся, иереи Божиими с радостию сретаемая. Радуйся, дом Отца Твоего и люди Твоя оставльшая. Радуйся, дом Божий явлением Своим освятившая. Радуйся, Богоизбранная Отроковице, вхождением во храм двери райския нам отверзшая.
Кондак 5
Боговместимый храм бывши, Богородице Дево, ко храму законному со славою многою провождена была еси, да исполнится Аггея пророка предречение: “И исполню храм сей славою, зане велия будет слава храма сего последняго паче перваго, глаголет Господь Вседержитель”. Мати же Твоя приведе Тя к церковному входу, глаголющи: Гряди, Дши, ко Иже Тебе мне Даровавшему. Гряди, Кивоте освящения, к благоутробному Владыце. Гряди, Двере Жизни, к Милосердому Дате-лю. Гряди, Кивоте Слова, ко храму Господню. Вниди в Церковь Господню, мира радосте и веселие, да воспою о Тебе Богу: Аллилуиа.
Икос 5
Видевши Мати Твоя, Богородице Дево, иереи Божии из храма изшедшия, и Святителя великаго Захарию, во сретение Твое грядущаго, рече к нему: “Приими, Захарие, Сень Нескверную; приими, священниче, Непорочный Ковчег; приими, пророче, Кадильницу невещественнаго Угля; приими, праведниче, Кадило Духовное. Приими, о пророче, Богом дарованную Дщерь мою и введи в храм Зиждителя твоего, и введ, насади Ю в горе святыни, в готовом жилище Божием, ничтоже испытуя, Тоя бо ради будет избавление”, с нею же и мы возопием Тебе таковая: Радуйся, небесныя лики возвеселившая Твоим вхождением. Радуйся, иереи Божии обрадовавшая Твоим явлением. Радуйся, Селение Небесное, храм законный паче перваго освятившая благодатию. Радуйся, Небо земное, Сама Себе в жилище Христово приуготовившая чистотою. Радуйся, Невесто Божия, яко велико и дивно предшествие Твое. Радуйся, Дево Чистая, яко страшно и преславно во храме обитание Твое. Радуйся, Богоизбранная Отроковице, вхождением во храм двери райския нам отверзшая.
Кондак 6
Проповедник вхождения Твоего во храм Господень праведный Захария удивися зело, видев Твое, Богородице Дево, по лествице церковней, пятнадесять степень имущей, дивное восхождение: поставлена бывши родители Твоими на первом степени, Ты абие Сама о себе потекла еси на прочия степени скоро зело, никемже поддержи-мая, и на высочайший степень востекши, стала еси, укрепляема невидимою силою Божиею; святый же Захария, видев сие, объят бе Духом Божиим и рече матери Твоей: “Благословен Плод чрева твоего, о жено, преславно приведение твое: Жизни бо Матерь истинную вводиши, како храм вместит Ю?” Темже благодаряше Бога, воспел Ему: Аллилуиа.
Икос 6
Возсия радость велия всем храму законному предстоящим, егда Святитель великий Захария, Духа Святаго исполненный, прият Тя, о Богомати, пред враты церковными, рукама своима держа, и вводя Тя во Святая, вещаше к Тебе тако: “О, Отроковице Нескверная! О, Дево Неблазная! О, Девице Прекрасная! О, женам украшение! О, дщерям удобрение! Ты Благословенная в женах, Ты препрославленная чистотою, Ты запечатленная девством, Ты Адамовы клятвы разрешение. Гряди, исполнение моего пророчества. Гряди, совершение обетований Господних. Гряди, печате Того завета. Гряди, изъявление Того совета. Гряди, исполнение Того таинств. Гряди, пророков всех Зерцало. Гряди, обновление обветшавших. Гряди, Свете во тьме лежащих. Гряди, дарование новейшее и Божественнейшее. Вниди в радость в Церковь Господа Твоего, ныне убо в дольнюю, человеки входную, не по мнозе же в горнюю и неприступную”. С ним же и мы воспоем Тебе сице: Радуйся, Лествице одушевленная, ко храму Господню по степенем лествицы высокия востекшая. Радуйся, Двере, непроходимая человеческими помыслы, во двери храма вошедшая. Радуйся, яко по степенем добродетелей возвысилася еси до высоты Небеснаго Алтаря. Радуйся, яко на крылех девства и чистоты достигла еси Града Великаго Царя. Радуйся, Дом Божий на версе горы достигшая. Радуйся, врата заключенная прошедшая. Радуйся, Богоизбранная Отроковице, вхождением во храм двери райския нам отверзающая.
Кондак 7
Хотя Человеколюбец Господь спасти род человечь, избра Тебе едину в Матерь Себе и введе Тя во святый храм Свой, да тамо в уединении и тишине глубоцей далече от соблазнов мира сего воспитаешися во святыне Господней в Божие жилище. Ты же, играющи и зело радующися, яко в чертозе, в дому Господни шествовала еси, аще и мала была еси возрастом, триех лет сущи, обаче совершенна была еси благодатию, яко предуведенная и предызбранная от Бога прежде сложения мира, и тамо воспевала еси Ему: Аллилуиа.
Икос 7
Новая, дивная и ужасная сотвори о Тебе Господь, Богоблагодатная, егда Святитель великий Захария, вне себе быв, по таинственному откровению Божию введе Тя паче закона за вторую завесу, во внутреннюю скинию, глаголемую Святая Святых, идеже не точию женскому полу, но ниже священником подобаше входити, но точию единому Архиерею единою в лето; подобаше бо Тебе, яко Одушевленному Божию Кивоту, еще прежде зачатия паче всякаго естества преисполненней чистоты, стати на месте законнаго Кивота Божия, Иеремием сокровеннаго, да исполнится паки славою храм Господень. Сие пречудное вхождение Твое зряще, вопием Тебе таковая: Радуйся, во Святая Святых, яко на небо земное взошедшая. Радуйся, Святая Святых большая, яко к Престолу Божию представшая. Радуйся, Ангелы удивившая, како во Святая Святых преславно взошла еси. Радуйся, человеки возвеселившая, яко храм Господень славою исполнила еси. Радуйся, Чертоже Краснейший, в немже жилище Святыя Троицы содевает Пресущественный. Радуйся, Престоле Святейший, на немже готовится сести плотию Пребожественный. Радуйся, Богоизбранная Отроковице, вхождением во храм двери райския нам отверзшая.
Кондак 8
Странно Твое зачатие и рождество. Странен образ возростания Твоего. Странно и преславно, Богоневесто, Твое еже внутрь Святилища Введение, и на молитве пребывание присное, и вся, яже суть Твоя: от утра бо даже до третьяго часа стояла еси по вся дни на молитве внутрь Святилища, посем с прочими девы в притворе в рукоделии упражнялася еси, от девятаго же часа паки в храме во Святая Святых предстояла еси Богу на молитве, в Богомыслии и в поучении Божественных Писаний, дондеже Ангел Господень явльшеся препитати Тя небесною пищею. Таковому равноангельскому житию Твоему чудящеся, вопием тако благоволившему о тебе Богу: Аллилуиа.
Икос 8
Всю Тебе освяти Всесвятый Дух, внутрь храма пребывающую, Пресвятая Дево. Сего ради да не коснется Ти ничто от земныя скверны, небесною и нетленною питаема была еси пищею, подаваемую же земную пищу раздавала еси нищим и странным. И тако приемлющи по вся дни от Ангела хлеб небесный, преуспевала еси мудростию и благодатию, телом и духом радующися, да невместимое Слово Божие непорочно вместиши. И бе Архангел Гавриил неотступный хранитель девственныя чистоты Твоея и со иными Ангелы Божиими часто Тебе являшеся, укрепляше Тя в подвизех духовных, в молитве и посте, в кротости и смирении и любезно беседоваше с Тобою, Превечный Совет Вышняго о Тебе раскрывая, да будеши готова к приятию Божию, вопия к Тебе таковая: Радуйся, неизреченных таин Божиих предивное исполнение. Радуйся, Предвечнаго Совета Вышняго всечудное совершение. Радуйся, небесным хлебом от Ангела неизреченно воспитанная. Радуйся, благодатию Божией с небесе несказанно укрепленная. Радуйся, Юже во Святое Святых сретают многоочитии Херувими. Радуйся, с Неюже непрестанно собеседуют шестокрылатии Серафими. Радуйся, Богоизбранная Отроковице, вхождением во храм двери райския нам отверзшая.
Кондак 9
Всякое естество Ангельское удивися о превелицей красоте девства Твоего, Всесвятая Дево. Ты бо со Ангелы во Святая Святых пребывающи, Сама вожделела еси в чистоте Ангельской и поврежденном Своем девстве вечно жити. Сего ради первая в мире дала еси обет девства и обручила еси Себя на присное служение Богу в чистоте девичестей, и уневестилася еси Ему, да Духом Святым приуготована будеши в чистое и нетленное Селение Слову Божию, поющи Ему день и нощь: Аллилуиа.
Икос 9
Ветии богоглаголивыя не могут глаголати, во еже изрещи тайну жития Твоего в чистоте девства во храме, Богородице. Растущей Тебе леты, Ты бо день от дне укреплялася еси духом и подвижнейшее растяше житие Твое: с трудолюбием бо умножала еси молитву, идущи от силы в силу, дондеже Сила Вышняго осени Тя. Растяху же в Тебе и дары Святаго Духа: егда бо в больший приходила еси возраст, более упражнялася еси в молитве, неже в рукоделии, нощи же целыя в молитве со Ангелы проводила еси за второю завесою; сего ради со удивлением зовем Тебе таковая: Радуйся, Святая Святых Святейшая Дево, в жертву чистую девство Свое Богу принесшая. Радуйся, чистейшая Святаго Духа Палато, в Жилище Христово Себе воспитавшая. Радуйся, Двери Небесная, в храме, яко на небеси пребывшая. Радуйся, Горо Усыренная Духом, во Святилище всеми добродетельми процветшая. Радуйся, Юже Ангели Божии дориносят верно. Радуйся, Юже вси вернии благодарственно славословят присно. Радуйся, Богоизбранная Отроковице, вхождением во храм двери райския нам отверзшая.
Кондак 10
Спасения нашего весна радостная возсия всем концем земли преславнаго Твоего ради Введения во храм Богородице. Писание мимоиде и оскуде закон, яко же сень, вшедшей же Тебе во храм Божий, Дево Чистая, лучи благодати всем возсияша, просвещающе души и помышления всех во тьме неведения седящих. Сего ради да радуется небо и земля, небо Умное Грядущее зряще и Ангелов чини и человеков множество да вопиют: в храм вводится радость и избавление всем вопиющим: Аллилуиа.
Икос 10
Стена еси девам в чистоте девства во обителех подвизающимся, Богородице Дево, понеже, давши во храме обет девства Богу, Ты дивно сохранила еси его и достигши лет двунадесяти, егда прочия девы, при храме живущия, сочетовахуся супружества по обычаю подзаконному, Ты открыла еси тайну обетования Твоего, чесо ради отдана была еси на хранение девства старцу Иосифу, Богом указанному возлетением голубицы от жезла его. И тако во всецелую доброту девства облекшися, яко Невеста Божия, Ты всем подаеши в чистоте служение свое совершающим дарования кроткаго Твоего и молчаливаго духа, Твою тишину, смирение и неизглаголанную чистоту, да вси Тобою спасаемии со благодарением воспоют Тебе сице: Радуйся, в молитвах во храме Господнем неусыпающая, не даждь нам во грехе уснути. Радуйся, в безмолвии во Святая Святых пребывающая, сподоби нас в тишине животней пожити. Радуйся, со Ангелы во Святилище присно собеседнице, научи нас безплотных глаголам внимати. Радуйся, с чистыми девы при храме сожительнице, помози нам в девстве и чистоте житие свое совершати. Радуйся, Одушевленный Храм Бога Живаго, храмы Духа Святаго нас сотвори. Радуйся, Чертоже Вседрагий всякаго доброделания, во всех Дарах Духа Святаго нас утверди. Радуйся, Богоизбранная Отроковице, вхождением во храм двери райския нам отверзшая.
Кондак 11
Пения всеумиленныя от неземных мусикий приношаху Тебе, Пресвятая Дево, Святии Ангели, девическому Введению Твоему служаще и веселие творяше и небеснии припеваху гласы, Тебе на службу Божию входящей, с нимиже на земли от песней человеческих девственнии лицы Господеви поют, псаломски воспевающе и чтуще Тебе Матерь Его. С ними же и нас сподоби чистыми умы и нескверными усты воспети о честнем Введении Твоем: Аллилуиа.
Икос 11
Светоприемная нам возсияла еси свеща, Богородице, во храм Господень пришедши, радость величайшую тамо светящи и на молитве во Святая Святых горящи, отонудоже и облистала еси небесною чистотою всему миру, во тьме греховней пребывающему, да и мы со свещеносными девами, Тя ко храму Господню светло со славою девственною проводившими, узрящем Тя радостно, во свете чистоты душевныя и телесныя сияющу, и воспоем Тебе похвалы таковыя: Радуйся, Свеще Неугасимая, во Святилище возженная, свещеносными девами провождаемая. Радуйся, Заре Незаходимая, весь мир облиставшая, светлыми Ангелы во храме сретаемая. Радуйся, Светильниче Небесныя славы, Свете нелестный во храме всем возсиявший. Радуйся, Чертоже Божия благодати, Хлебе словесный из руки Ангела приявший. Радуйся, Мати Света грядущая быти, светом чистоты Твоея всех просвещающая. Радуйся, Мати Света Тихаго Сияние, теплотою молитв Твоих всех утешающая. Радуйся, Богоизбранная Отроковице, вхождением во храм двери райския нам отверзшая.
Кондак 12
Благодати Божия новый и одушевленный Кивот сущи, Богородице Дево, в немже вместо манны чувственныя и вещественных скрижалей вмещаются невещественныя неистощимыя дарования Божия, достойно введена была еси во Святая Святых, яко вместити имущая плотски Безначальное Слово Божие, идеже Силы Небесныя служаху Тебе, страшнии Херувими и пламенеющии любовию Серафими осениша Тя крылы своими, Престоли и Господствия, Начала, Силы и Власти припадоша к Тебе со Архангелы и Ангелы, вопиюще о Тебе: Аллилуиа.
Икос 12
Поюще пречестное Твое во храм Господень Введение, хвалим вси Твое пречудное во Святая Святых со Ангелы спребывание и небесным хлебом питание, поклоняемся равноангельской девственной чистоте Твоей, Богородице, и веруем, яко пришла еси от земнаго дома в Дом Божий, яко жертва чистая, яко дар освящен на обручение девства Твоего Жениху Небесному, да уготоваешися достойно к нетленному и чистому Рождеству Христову в Божие Жилище. Темже тако верующе, возглаголем Тебе сице: Радуйся, храм Господень Пречистых ног Твоих стопами освятившая. Радуйся, жилище Божие от осквернения грешных отмывшая. Радуйся, во Святом храме, яко на небеси, поклонение Горних Сил приемшая. Радуйся, во Святая Святых, яко на небеси, Престолу Божию представшая. Радуйся, Прекрасная Девице, изшествием Твоим из дому отчаго во храм мир всему миру Принесшая. Радуйся, Новая Голубице, вхождением во храм праведным в преисподней надежду впервые даровавшая. Радуйся, Богоизбранная Отроковице, вхождением во храм двери райския нам отверзшая.
Кондак 13
О, Всепетая Богоотроковице, Пришедшая во храм Господень воспитатися во Святая Святых в Божие Жилище, нынешнее наше о всечестнем Введении Твоем приемши приношения, избави нас от всякия скорби и напасти и искушений вражеских, очисти ны от всякия скверны плоти и духа и сохрани нас до скончания нашего в целомудрии и чистоте, да освященнии Тобою достойны будем введения во обители райския с мудрыми девами, с нимиже да воспоем о Тебе Богу: Аллилуиа.
(Этот кондак читается трижды, затем 1-й икос и 1-й кондак)
